काठमाडौं । अन्तरिम सरकारद्वारा सिफारिस गरिएका नवनियुक्त मन्त्रीहरूको शपथ ग्रहण कार्यक्रम एक घण्टा पछाडि सरेको छ ।
प्रधानमन्त्री सुशीला कार्कीको सिफारिसमा तय गरिएको शपथ ग्रहण मूलतः दिउँसो २ बजेका लागि निर्धारण गरिएको भए पनि राष्ट्रपति कार्यालयका अनुसार अब सो कार्यक्रम ३ बजे हुनेछ ।
कार्कीले आइतबार पूर्वप्रधानन्यायाधीश अनिलकुमार सिन्हा, राष्ट्रिय आविष्कार केन्द्रका संस्थापक महावीर पुन, अतिरिक्त स्वास्थ्य सचिव डा. संगीता मिश्र र पत्रकार जगदिश खरेललाई मन्त्रीका रूपमा सिफारिस गरेकी थिइन् । तर अन्तिम चरणमा स्वास्थ्य मन्त्रालयको जिम्मेवारी पाउन सिफारिस भएकी डा. मिश्राको नाम ‘होल्ड’ गरिएको छ ।
गत भदौ २७ गते प्रधानमन्त्री नियुक्त भएकी कार्कीको नेतृत्वमा हाल तीन जना मात्र मन्त्री कार्यरत छन् । नयाँ मन्त्रीहरूको शपथपछि मन्त्रिपरिषद् केही विस्तार हुने अपेक्षा गरिएको छ ।
प्रकाशित मिति: ६ आश्विन २०८२, सोमबार
प्रतिक्रिया