काठमाडौं । काठमाडौं उपत्यकाका विभिन्न औषधि पसलहरूमा आफूलाई लागुऔषध नियन्त्रण ब्युरो, कोटेश्वरबाट आएको प्रहरी भन्दै ठगी गरेको आरोपमा दुई जना पक्राउ परेका छन्।
पक्राउ पर्नेमा सिन्धुपाल्चोकका ३७ वर्षीय आकाश भन्ने नानीबाबु लामा र दोलखाका ३४ वर्षीय प्रकाश तामाङ रहेका छन्। उनीहरूलाई प्रहरी वृत्त बौद्धबाट खटिएको टोलीले नियन्त्रणमा लिएको हो।
प्रहरीका अनुसार उनीहरूले औषधि पसलमा पुगेर लागुऔषधजन्य औषधि बिक्री गरेको आरोप लगाउँदै डर–धम्की दिई रकम असुल्दै आएका थिए। घटनाबारे थप अनुसन्धानका लागि काठमाडौं जिल्ला अदालतबाट ६ दिनको म्याद लिई अनुसन्धान अघि बढाइएको प्रहरीले जनाएको छ।
प्रकाशित मिति: १६ पुस २०८२, बुधबार
प्रतिक्रिया