काठमाडौं । स्थानीय बजारमा सुनचाँदीको मूल्यले आज पनि नयाँ कीर्तिमान कायम गरेको छ।
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य तीन लाख ३९ हजार ३०० रुपैयाँ कायम भएको छ। यस्तै, चाँदीको मूल्य प्रतितोला सात हजार ५०५ रुपैयाँ पुगेको छ।
यसअघि बुधबार छापावाल सुन प्रतितोला तीन लाख १८ हजार ८०० रुपैयाँ र चाँदी सात हजार ३०० रुपैयाँमा कारोबार भएको थियो। त्यस्तै, मङ्गलबार सुनको मूल्य तीन लाख नौ हजार ३०० रुपैयाँ र चाँदी छ हजार ८७० रुपैयाँ रहेको थियो।
अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन पाँच हजार ५६० अमेरिकी डलरमा कारोबार भइरहेको छ भने त्यति नै परिमाणको चाँदीको मूल्य १२० अमेरिकी डलर पुगेको छ।
प्रकाशित मिति: १५ माघ २०८२, बिहिबार
प्रतिक्रिया