काठमाडौ । बैतडीमा राष्ट्रिय स्वतन्त्र पार्टी (रास्वपा) र नेकपा एमालेका कार्यकर्ताबीच भएको झडपमा दुई जना घाइते भएका छन्। चुनाव प्रचारका लागि घरदैलो अभियानमा रहेका बेला डिलासैनी गाउँपालिका–७ को लेक टोलमा दुवै पक्षबीच विवाद हुँदा झडप भएको हो।
प्रहरीका अनुसार झडपमा एमाले निकट दुई जना कार्यकर्ता घाइते भएका छन्। घाइते हुनेमा डिलासैनी–७ निवासी युवा संघका जिल्ला सदस्य जनक धामी र सोही स्थानका माधव धामी रहेका छन्।
घाइते दुवै जनाको स्थानीय गोकुलेश्वर अस्पतालमा उपचार भइरहेको छ। घटनाको विषयमा थप अनुसन्धान भइरहेको प्रहरीले जनाएको छ।
प्रकाशित मिति: १४ फाल्गुन २०८२, बिहिबार
प्रतिक्रिया