सल्यान । रास्वपाको झण्डा राखेर चुनावी प्रचारमा हिँडेको एक जीपबाट प्रहरीले ठूलो परिमाणमा मदिरा र चामल बरामद गरेको छ।
सोमबार बिहान बन्गाड, कुपिन्डे नगरपालिका–१, सल्लीबजारबाट ०२–००१ च ०४२९ नम्बरको जीपमा राखिएको २५ किलोका दुई बोरा चामल, ‘गोली डायमण्ड’ लेखिएका सात कार्टुन मदिरा, दुई कार्टुन ‘रकस्टार’ बियर र तीन कार्टुन खानेतेल बरामद गरिएको हो।
प्रहरीले बरामद सामानसहित जीपका चालक र सवार एक जनालाई नियन्त्रणमा लिएको जनाएको छ।
जीप चालक सिद्धकुमाख गाउँपालिका–४ का २४ वर्षीय चन्द्रप्रकाश बुढाथोकी र सामान बोकेर लैजाने ३७ वर्षीय मोहन बीसीलाई प्रहरीले नियन्त्रणमा लिएको जनाएको छ।
प्रकाशित मिति: १८ फाल्गुन २०८२, सोमबार
प्रतिक्रिया