गण्डकी प्रदेशमा करिब ४९ प्रतिशत मत खस्यो

पोखरा । आज जारी प्रतिनिधिसभा सदस्य निर्वाचनमा गण्डकी प्रदेशमा दिउँसो ३ः४० बजेसम्म करिब ४९ प्रतिशत मत खसेको छ । प्रदेशअन्तर्गत ११ जिल्लाका १८ निर्वाचन क्षेत्रमा हालसम्म यो प्रतिशत मत खसेको प्रदेशका प्रमुख सचिव डण्डुराज घिमिरेले जानकारी दिएका छन् ।

उनका अनुसार सबै जिल्लामा मतदान उत्साहपूर्ण तथा शान्तिपूर्ण रूपमा भइरहेको छ । मतदाताहरूको सहभागिता राम्रो रहेको र कुनै ठूलो घटना नभएको बताइएको छ । गण्डकी प्रदेशमा कुल १८ लाख ७० हजार ६५ जना मतदाता रहेका छन् । जसमध्ये महिला ९ लाख ५५ हजार ५१६ जना, पुरुष ९ लाख १४ हजार ५३५ जना र अन्य १४ जना छन् । यो जानकारी प्रदेश निर्वाचन कार्यालय पोखराले दिएको हो ।

मतदान बिहान ७ बजेदेखि सुरु भएको हो र दिउँसो ५ बजेसम्म जारी रहनेछ । मतदानपछि मतगणना सुरु हुने र प्रारम्भिक परिणामहरू क्रमशः आउने अपेक्षा गरिएको छ । सुरक्षा व्यवस्था कडा पारिएको छ र निर्वाचन शान्तिपूर्ण रूपमा सञ्चालन भइरहेको प्रहरी तथा निर्वाचन अधिकृतहरूले जनाएका छन् ।

गण्डकी प्रदेशमा मतदाताको सहभागिता उच्च रहने र निर्वाचन सफलतापूर्वक सम्पन्न हुने विश्वास व्यक्त गरिएको छ ।

प्रकाशित मिति: २१ फाल्गुन २०८२, बिहिबार