काठमाडौं । बिहीबार भएको प्रतिनिधिसभा सदस्य निर्वाचन २०८२ को समानुपातिक मतगणना जारी रहेको छ । समानुपातिक तर्फ हालसम्म ८४ लाख ८१ हजार ७७ मत गणना भएको छ । जसमा राष्ट्रिय स्वतन्त्र पार्टी रास्वपाले ४१ लाख ३ सय १४ मत प्राप्त गरी अग्रस्थानमा रहेको छ ।
नेपाली काँग्रेसले १३ लाख ७० हजार ६ सय ७८ मत प्राप्त गरी दोस्रो स्थानमा रहेको छ । यसै गरी नेकपा एमालेले ११ लाख ६० हजार ३सय ५० मत प्राप्त गरेको छ भने नेपाली कम्युनिस्ट पार्टी नेकपाले ५ लाख ९७ हजार ७ सय ३२ मत प्राप्त गरेको छ ।
यस्तै श्रम संस्कृति पार्टीले २ लाख ९७ हजार सय ८३ र राष्ट्रिय प्रजातन्त्र पार्टीले २ लाख ७९ हजार १५६, जनता समाजवादी पार्टी नेपालले १ लाख २८ हजार ५० र राष्ट्रिय परिवर्तन पार्टीले १ लाख २० हजार ७ सय ९३ मत प्राप्त गरेको निर्वाचन आयोगले जनाएको छ ।
प्रकाशित मिति: २५ फाल्गुन २०८२, सोमबार
प्रतिक्रिया