काठमाडौं । वैदेशिक रोजगारीका लागि आकर्षक तलबको प्रलोभन देखाई क्यानडा पठाइदिन्छु भन्दै रकम ठगी गरेको आरोपमा ५१ वर्षीया गीता भण्डारी लाई प्रहरीले पक्राउ गरेको छ।
काठमाडौँ महानगरपालिका–९ बस्ने तथा कञ्चनपुरको भीमदत्त नगरपालिका–१८ घर भएकी भण्डारीलाई आइतबार प्रहरीले पक्राउ गरेको हो।
भण्डारीले क्यानडा पठाइदिन्छु भन्दै पाँच जना पीडितबाट २७ लाख रुपैयाँ लिएर सम्पर्कविहीन भएको भन्ने उजुरीका आधारमा काठमाडौँ उपत्यका अपराध अनुसन्धान कार्यालय, टेकुबाट खटिएको प्रहरी टोलीले गीता भण्डारी लाई काठमाडौँ महानगरपालिका–९ बाट पक्राउ गरेको जनाएको छ।
पक्राउ परेकी भण्डारीलाई थप अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ।
प्रकाशित मिति: ३ चैत्र २०८२, मंगलबार
प्रतिक्रिया