काठमाडौं । सरकारले सार्वजनिक पदधारीहरूको सम्पत्ति छानबिन गर्न उच्चस्तरीय सम्पत्ति जाँचबुझ आयोग गठन गर्ने निर्णय गरेको छ।
बुधबार बसेको मन्त्रिपरिषद् बैठकले उक्त आयोग गठन गर्ने निर्णय गरेको जानकारी सरकारका प्रवक्ता तथा शिक्षामन्त्री सस्मित पोखरेल ले दिएका हुन्।
सरकारले सर्वोच्च अदालतका पूर्वन्यायाधीश राजेन्द्रकुमार भण्डारी को संयोजकत्वमा आयोग गठन गरेको छ। आयोगका सदस्यहरूमा पुरुषोत्तम पराजुली, चण्डिराज ढकाल, पूर्व प्रहरी नायब निरीक्षक गणेश केसी तथा चार्टर्ड एकाउन्टेन्ट प्रकाश लम्साल रहेका छन्।
सरकारका अनुसार आयोगले २०६२/६३ पछि सार्वजनिक पदमा रहेका प्रमुख राजनीतिक पदाधिकारी तथा उच्च तहका कर्मचारीहरूको सम्पत्ति विवरण संकलन, प्रमाणीकरण र विस्तृत छानबिन गर्नेछ।
प्रकाशित मिति: २ बैशाख २०८३, बुधबार
प्रतिक्रिया