काठमाडौं । थापाथलीस्थित सुकुम्बासी बस्तीमा भएको प्रदर्शनका क्रममा सुकुम्बासी नेतालाई प्रहरीले पक्राउ गरेको छ।
सरकारले बस्ती हटाउने तयारी अघि बढाएपछि उक्त क्षेत्रमा विरोध प्रदर्शन भइरहेको थियो। यही क्रममा सुकुम्बासी मोर्चाका कार्यवाहक अध्यक्ष नारायण परिश्रमी भनिने नारायण परियारलाई नियन्त्रणमा लिएको जिल्ला प्रहरी परिसर काठमाडौँका एसपी पवन भट्टराईले जानकारी दिएका छन्।
प्रहरीका अनुसार परियार २०७९ सालदेखि ज्यान मार्ने प्रयास तथा बैंकिङ कसुरसम्बन्धी मुद्दामा फरार रहेका व्यक्ति हुन्।
उनलाई नियन्त्रणमा लिएर थप अनुसन्धान अघि बढाइएको प्रहरीले जनाएको छ।
प्रकाशित मिति: ११ बैशाख २०८३, शुक्रबार
प्रतिक्रिया