काठमाडौँ । थापाथलीस्थित सुकुम्बासी बस्ती हटाउने क्रममा डोजर चलाउँदा हालसम्म कुनै अवरोध देखिएको छैन। शनिबार बिहान साढे ८ बजेदेखि बाक्लो प्रहरी परिचालन गरी बस्ती भत्काउने काम अघि बढाइएको हो।
यसअघि शुक्रबार भने सोही क्षेत्रमा सुकुम्बासीको नाममा प्रदर्शन भएका थिए। अहिले भने अधिकांश सुकुमबासीले आफ्ना सामान सुरक्षित स्थानतर्फ सारिसकेका छन्।
सामान हटाइसकिएको क्षेत्रमा डोजर प्रयोग गरी संरचना हटाउने काम भइरहेको छ। सरकारले वास्तविक सुकुमबासीलाई अस्थायी रूपमा पाँच स्थानमा व्यवस्थापन गर्ने जनाएको छ।
प्रकाशित मिति: १२ बैशाख २०८३, शनिबार
प्रतिक्रिया