काठमाडौं। उपत्यकामा बितेका २४ घण्टामा ट्राफिक नियम उल्लङ्घन गर्ने १ हजार २ सय ९९ सवारीचालक कारबाहीमा परेका छन् । सो कारबाहीबाट राज्यकोषमा २३ लाख ७१ हजार ४२ रुपैयाँ राजस्व संकलन भएको काठमाडौँ उपत्यका ट्राफिक प्रहरी कार्यालयले जनाएको छ ।
कार्यालयका अनुसार मादकपदार्थ सेवन (मापसे) गरेर सवारी चलाउने १ सय १९ जना, नियमविपरीत ‘राइड सेयरिङ’ गर्ने १ सय ६० जना, ट्राफिक सङ्केत बत्ती उल्लङ्घन गर्ने १ सय ३४ जना र तीव्र गतिमा सवारी चलाउने १ सय १८ जनालाई कारबाही गरिएको हो ।
त्यस्तै लेन अनुशासन पालना नगर्ने १ सय १४ जना, निषेधित क्षेत्रमा हर्न बजाउने ९४ जना, सडक पेटीमा सवारीसाधन पार्किङ गर्ने १ सय २० जना तथा एकतर्फी सडकमा विपरीत दिशामा सवारी चलाउने १ सय ४४ जनालाई समेत कारबाही गरिएको छ ।
यसका साथै अन्य विभिन्न ट्राफिक नियम उल्लङ्घन गर्ने १ हजार २ सय ९६ जनालाई पनि कारबाही गरिएको ट्राफिक प्रहरीले जनाएको छ ।
प्रकाशित मिति: २० जेष्ठ २०८३, बुधबार
प्रतिक्रिया