काठमाडौं । नेकपा एमालेका अध्यक्ष केपी शर्मा ओलीले भदौ २३–२४ मा भएको जेनजी आन्दोलनलाई प्रतिगामी षड्यन्त्रको संज्ञा दिएका छन्।
मदन भण्डारीको ७५औँ जन्मजयन्तीका अवसरमा आइतबार आयोजित कार्यक्रममा बोल्दै ओलीले उक्त आन्दोलन लोकतान्त्रिक नभई वैधानिक सरकारलाई असंवैधानिक रूपमा विस्थापित गर्ने प्रयास भएको दाबी गरे। उनले आफूहरूको सरकारले देशलाई बर्बाद पारेको भन्ने भाष्य गलत रहेको भन्दै केही कमजोरी भए आत्मसमीक्षा गर्न तयार रहेको बताए।
ओलीले प्रतिगमनलाई रोक्न लोकतान्त्रिक र वामपन्थी शक्तिबीच कार्यगत एकताको आवश्यकता औँल्याए। साथै, प्रधानमन्त्री बालेन्द्र शाहले नेपालले पनि भारतको भूमि मिचेको भन्ने अभिव्यक्तिप्रति आपत्ति जनाउँदै वर्तमान सरकार संविधानविपरीत बनेको र सञ्चालन भइरहेको आरोप लगाए।
प्रकाशित मिति: १४ असार २०८३, आइतबार
प्रतिक्रिया