काठमाडौं । राष्ट्रिय स्वतन्त्र पार्टी (रास्वपा) का सांसद डा. अमरेश कुमार सिंह चारदिने भ्रमणका लागि बुधबार चीन प्रस्थान गरेका छन्।
सिंहको स्वकीय सचिव रञ्जित झाले सांसद सिंह चीन गएको पुष्टि गर्दै उनी शनिबार स्वदेश फर्किने कार्यक्रम रहेको जानकारी दिए। उनका अनुसार सिंहसँगै अन्य तीन–चार जना सांसद पनि भ्रमणमा सहभागी भएका छन्।
यद्यपि, भ्रमणको उद्देश्य, कार्यक्रम तथा भ्रमणको औपचारिक एजेन्डाबारे भने आफूलाई कुनै जानकारी नभएको स्वकीय सचिव झाले बताएका छन्।
सांसद सिंहको यो भ्रमणलाई राजनीतिक वृत्तमा चासोका साथ हेरिएको छ। पछिल्लो समय प्रधानमन्त्री बालेन्द्र शाह नेतृत्वको सरकारप्रति उनले असन्तुष्टि व्यक्त गर्दै आएका थिए। साथै, चितवनमा सम्पन्न रास्वपाको प्रथम राष्ट्रिय महाधिवेशनमा पनि उनी अनुपस्थित रहेका थिए।
प्रकाशित मिति: २४ असार २०८३, बुधबार
प्रतिक्रिया