काठमाडौं । प्रदेश सरकार गठनको समीकरणबारे नेकपा एमाले र नेपाली कम्युनिस्ट पार्टी (नेकपा)बीच पाँच प्रदेशमा सहकार्य गर्ने सहमति भएको छ।
उच्च राजनीतिक स्रोतका अनुसार शनिबार एमाले अध्यक्ष केपी शर्मा ओली, नेकपाका संयोजक पुष्पकमल दाहाल ‘प्रचण्ड’ र सह–संयोजक माधव नेपालबीच भएको छलफलमा प्रदेश सरकारको नेतृत्व बाँडफाँटबारे समझदारी बनेको हो।
सहमतिअनुसार सुदूरपश्चिम र कर्णाली प्रदेशको सरकारको नेतृत्व नेकपाले गर्नेछ भने कोशी, बागमती र लुम्बिनी प्रदेशमा सरकार गठनको नेतृत्व एमालेले गर्ने गरी सहमति जुटेको बताइएको छ।
मधेस र गण्डकी प्रदेशको सत्ता समीकरणबारे भने नेपाली कांग्रेससँग थप छलफल गरेर टुंगो लगाउने समझदारी भएको स्रोतले जनाएको छ।
प्रकाशित मिति: ९ श्रावण २०८३, शनिबार
प्रतिक्रिया