बारा । बाराको जीतपुर बजारमा तीव्र गतिमा आएको कार अनियन्त्रित भएर पसलभित्र पस्दा दुईवटा पसलमा क्षति पुगेको छ।
बागमती प्रदेश ०१–०३१ च ३८८० नम्बरको कार टेढा रोड हुँदै वीरगञ्ज–पथलैया राजमार्गतर्फ जाने क्रममा अनियन्त्रित भई सडकछेउका पसलमा पसेको हो।
इलाका प्रहरी कार्यालय जीतपुरका अनुसार कारको ठक्करबाट स्थानीय रोहित एन्ड प्रियंका किराना पसल र प्रभात ज्वेलर्समा क्षति पुगेको छ।
घटनापछि प्रहरीले कार र चालकलाई नियन्त्रणमा लिएर दुर्घटनाबारे थप अनुसन्धान गरिरहेको जनाएको छ।
प्रकाशित मिति: १० श्रावण २०८३, आइतबार
प्रतिक्रिया