रामेछाप । झण्डै एक सातादेखि दैनिक चुनाबी गठबन्धन बारे बैठक बस्दै आएका रामेछापका चार दलहरु सहमतिमा नपुगी अन्तत गठबन्धन तोडेर आआफ्नै तरिकाले चुनाव लड्ने भएका छन्। 
सत्ता गठबन्धनमा आबद्ध कांग्रेस, माओवादी र नेकपा एकीकृत समाजवादीबीच सिट बाँडफाँडमा कुरा नमिलेपछि गठबन्धन हुने सम्भावना टरेको हो । शनिवार गठबन्धनमा आबद्ध दलहरुबीच अनौपचारिक छलफल भएपनि कुनै सहमति जुट्न सकेन । दलहरू बिच सहमति नजुटेपछी काङ्ग्रेस एक्लै चुनावी मैदानमा उत्रने भएको हो। 
प्रदेशले टुंगो लगाउने बाहेक जिल्ला तहबाट चुनावी तालमेल नहुने भएको हो । कांग्रेसले जिल्लाको आठ वटै स्थानीय तह र ६४ वटै वडामा एक्लै चुनाव लडने भएको छ।
कांग्रेससँग चुनावी तालेमलको सम्भावना टरेपछि माओवादी केन्द्र र नेकपा एकीकृत समाजवादी बीच चुनावी तालेमलको लागि गृहकार्य अघि बढेको छ । 
प्रकाशित मिति: १० बैशाख २०७९, शनिबार
प्रतिक्रिया