रविले भने– अहिले नै गिरफ्तारी दिँदैछु, प्रहरी भन्छ – ‘अदालतको पत्र पाएपछि मात्रै पक्राउ गर्छौं’

काठमाडौँ । रास्वपाका सभापति रवि लामिछानेले अदालतको आदेशको सम्मान गर्दै आफूले आजै  गिरफ्तारी दिन लागेको बताएका छन् । सामाजिक सञ्जाल फेसबुकमार्फत उनले आफूले गिरफ्तारी दिन लागेको बताएका हुन् ।

सम्मानित अदालतको आदेशको सम्मान गर्दै म आफै आजै अहिले नै  गिरफ्तारी दिँदै छु।  साथै  न्यायालयका अन्य ढोकाहरू मेरा लागि खुला होलान् नै । न्यायका लागि दुनियाँका सबै ढोका ढकढकाउँछु । म माथि   ठुलो अन्याय भएको छ’, उनले भनेका छन् ।

तर, जिल्ला प्रहरी कार्यलय रुपन्देहीले अदालतको औपचारीक पत्र आएपछि प्रकाउ गर्ने रणनीति बनाएको छ । जिल्ला प्रहरी कार्यलय रुपन्देही डिएसपी एवं प्रवत्ता सुरज कार्कीले उच्च अदालत तुलसीपुर बुटवलको आदेश जिल्ला हुँदै प्रहरी कार्यलयमा औपचारीक रुपमा आएपछि प्रकाउ गर्ने योजना रहेको बताए।

प्रकाशित मिति: २१ चैत्र २०८१, शुक्रबार