काठमाडौं । नेकपा एमालेबाट उपराष्ट्रपतिमा अष्टलक्ष्मी शाक्यले उम्मेदवारी दर्ता गराएकी छन् । संसद् भवन नयाँ बानेश्वर पुगेर शाक्यले उम्मेदवारी दर्ता गराएकी हुन्।
शाक्यको प्रस्तावकमा पार्टी अध्यक्ष केपी शर्मा ओली, उपाध्यक्ष सुवासचन्द्र नेम्बाङ, सचिव छविलाल विश्वकर्मा,गोकर्ण विष्ट र रघुवीर महासेठ रहेका छन्। यस्तै समर्थकमा कृष्णगोपाल श्रेष्ठ,महेश बर्तौला,तुलसा दाहाल,भगवति न्यौपाने र यशोदा रिजाल रहेका छन्।
शाक्य एमाले उपाध्यक्ष हुन् । उनी बागमती प्रदेशको मुख्यमन्त्री समेत भइसकेकी छन्।
नेकपा एमालेले उपराष्ट्रपतिमा पुरुष उम्मेदवार हुन नसक्ने निष्कर्ष निकालेको छ । एमालेको केन्द्रीय सचिवालय बैठकले राष्ट्रपति र उपराष्ट्रपति दुवै पदमा पुरुष हुन नमिल्ने निष्कर्ष निकालेको हो।
उपराष्ट्रपतिको निर्वाचन चैत्र ३ गते तय भएको छ।
प्रकाशित मिति: २७ फाल्गुन २०७९, शनिबार
प्रतिक्रिया