काठमाडौँ । दैलेखमा मनकामना ग्यास सिलिन्डर बोकेको ट्रक दुर्घटना भएको छ ।
ट्रक दुर्घटनामा परी तीन जनाको घटनास्थलमै मृत्यु भएको छ । मृत्यु हुनेमा चालक कृष्ण चौधरी, लक्षिराम चौधरी र विष्णु चौधरी रहेको जिल्ला प्रहरी कार्यालय दैलेखका प्रहरी नायव उपरीक्षक डीएसपी किशोर लम्सालले जानकारी दिए । लम्सालका अनुसार सहचालक प्रकाश कुमाई घाइते भएका छन्।
बुधवार नेपालगन्जबाट दैलेख जाँदै गरेको भे १ ख २२०१ नम्बरको ट्रक गुराँस गाउँपालिका ४ तालपोखरीमा दुर्घटना भएको हो ।
ट्रक सडकबाट अन्दाजी १ सय ५० मिटर तल खसेको छ ।
प्रकाशित मिति: ८ चैत्र २०७९, बुधबार
प्रतिक्रिया