रामेछापमा बोलेरो दुर्घटना हुँदा चालकको मृत्यु, ७ जना घाईते

रामेछाप । रामेछापको खाँडादेवी गाउँपालिकामा बोलेरो दुर्घटना हुँदा चालकको मृत्यु भएको छ भने सात जना घाईते भएका छन् । मृत्यु हुनेमा खाँडादेवी गाउँपालिका-७ का ३३ वर्षीय कालुमान तामाङ रहेका छन् । प्रहरीका अनुसार तामाङको घटनास्थलमै मृत्यु भएको हो ।

बोलेरो सडकबाट करिब ३ सय मिटर तल खसेको प्रहरीले जनाएको छ । खाँडादेवी गाउँपालिका वडा नम्बर १ डाँडागाउँस्थित दिमिपोखरीबाट काठमाडौंतर्फ जाँदै गरेको बा १६ च ३२२५ नम्बरको बोलेरो दुर्घटना भएको हो ।

दुर्घटनामा घाईते हुनेमा खाडादेवी ७ का १० वर्षीय बालक नेस्नल तामाङ, ३७ वर्षीय रुपसिंह तामाङ, उनकी छोरी २३ वर्षीया सुस्मा तामाङ, ३३ वर्षीया सविना तामाङ, उनकी ७ वर्षीया छोरी कुइन तामाङ, ४२ वर्षीय दिनेश श्रेष्ठ र जापानीज नागरिक ४३ वर्षीया सातो काजुभी रहेका छन् । उनीहरुको धुलिखेल अस्पतालमा उपचार भैरहेको छ ।

प्रकाशित मिति: १८ चैत्र २०७९, शनिबार