आजको मौसम

काठमाडौँ– सोमबार देशभरका केही स्थानमा आंशिक बदली रही बाँकी भूभागमा मौसम सामान्य रहने मौसम पूर्वानुमान महाशाखाले जनाएको छ।

महाशाखाका अनुसार प्रदेश १ र गण्डकी प्रदेशको पहाडी भूभागको केही स्थानमा मेघ गर्जन, चट्याङ सहित हल्का वर्षाको संभावना रहेको छ। देशका अन्य भूभागमा आंशिक बदली रहे पनि मौसम सामान्यतया सफा रहने महाशाखाले जनाएको छ।

हाल देशको पहाडी भूभागमा स्थानीय वायुको प्रभाव रहेकोले वर्षाको संभावना न्यून रहेको छ। त्यसैले आगामी तीन दिनसम्म प्रदेश १ र गण्डकी प्रदेशका पहाडी क्षेत्रमा मात्रै मेघ गर्जन, चट्याङ सहित हल्का वर्षाको संभावना रहेको महाशाखाले जनाएको छ।

प्रकाशित मिति: १२ बैशाख २०७९, सोमबार