तारकेश्वरमा बससँग ठोक्किँदा मोटरसाइकल चालकको मृत्यु, बस खस्यो खोलामा

काठमाडौं । काठमाडौँको तारकेश्वर नगरपालिकास्थित शेषमति खोलामा यात्रुबाहक बस खसेको छ। बस सँग मोटरसाइकल ठोक्किदा मोटरसाइकल चालकको मृत्यु भएको छ।

काभ्रेस्थलीबाट रत्नपार्क जाँदै गरेको बा ३ ख ६३६७ नम्बरको यात्रुबाहक बस अनियन्त्रित भई शेषमति पुलनजिकै खोलामा खसेको महानगरीय प्रहरी वृत्त बालाजुले जनाएको छ ।

प्रहरीका अनुसार मोटरसाइकलसँग ठोक्किएर बस खोलामा खसेको हो । दुर्घटनामा आठ जना घाइते भएका छन् । घाइतेमध्ये एक जनाको अवस्था गम्भीर रहेको प्रहरीले जनाएको छ।

घाइतेहरूको स्थानीय अस्पतालमा उपचार भइरहेको प्रहरीले जनाएको छ ।

प्रकाशित मिति: ३ जेष्ठ २०८०, बुधबार