गोरखा । गोरखा नगरपालिकामा नेपाली कांग्रेसको तर्फबाट मेयर पदको टिकट पाएका विश्वदेव श्रेष्ठमाथि हातपात भएको छ । आफूलाई नेपाली कांग्रेसकै असन्तुष्ट कार्यकर्ताले हातपात गरेका पीडित उमेदवार श्रेष्ठले बताए । 
आज सोमवार उम्मेदवारी दर्ताका लागि फोटो खिचाउन गएको बेला आफूमाथि कुटपिट भएको श्रेष्ठले बताए। अहिलेका मेयर राजनराज पन्त पनि दोस्रो कार्यकालका लागि मेयरको आकाङ्क्षी रहेका थिए । 
यसैबीच नेपाली कांग्रेसको गोरखा सदरमुकाममा रहेको जिल्ला पार्टी कार्यालयमा काङ्ग्रेस निकट कार्यकर्ताहरूले ताला लगाइदिएका छन् । गोरखा नगरपालिकाको मेयर पदको टिकट बाँडफाँटप्रति गोरखा काङ्ग्रेस भित्र गम्भीर असन्तुष्टि रहेको छ ।
प्रकाशित मिति: १२ बैशाख २०७९, सोमबार
प्रतिक्रिया