भक्तपुर । टिपरको ठक्करबाट मध्यपुर थिमि नगरपालिका-२ सानोथिमिस्थित जनक शिक्षा सामग्री केन्द्र अगाडि स्कुटर चालकको मृत्यु भएको छ।
टिपरले ठक्कर दिँदा स्कुटर चालक काभ्रेपलाञ्चोकको रोशी गाउँपालिका-१० घर भई हाल मध्यपुरथिमि-३ गठ्ठाघर बस्ने २३ वर्षीय विशाल मैनालीको मृत्यु भएको प्रहरी परिसर भक्तपुरका सूचना अधिकारी वसन्त पाठकले जानकारी दिए।
बहाखा बजारबाट सानोथिमितर्फ जाँदै गरेको बा ९२ प ५५३१ नम्बरको स्कुटरलाई आज विपरीत दिशाबाट आउँदै गरेको बा ४ ख २३४७ नम्बरको टिपरले ठक्कर दिँदा सो दुर्घटना भएको थियो।
प्रहरीले टिपर चालक धादिङ थाक्रे गाउँपालिका-७ घर भई हाल भक्तपुर सूर्य विनायक नगरपालिका-८ सिपाडोल बस्ने ४२ वर्षीय सुरेश तामाङलाई नियन्त्रणमा लिई आवश्यक कारबाही अगाडि बढाएको उनले बताए।
प्रकाशित मिति: ३० मंसिर २०८०, शनिबार
प्रतिक्रिया