काठमाडौं । नेकपा माओवादी केन्द्रका नेताहरु वर्षमान पुन र जनार्दन शर्माबीच आइतबार भेटघाट भएको छ ।
सिंहदरबार नजिकै रहेको बसेरा होटेलमा पुन र शर्मा एउटै टेबलमा खाजा खाँदै कुरकानी गरेका हुन् ।
बजेट निर्माणबारे पूर्व अर्थमन्त्रीहरुसँग छलफलका क्रममा नेता पुन र शर्माबीच कुराकानी भएको हो । आइतबार साँझ उनीहरुबीच छलफल भएको पुनका स्वकीय सचिव सन्तोष पुनले पुष्टि गरे ।
लामो समयसम्म चीनमा स्वास्थ्य उपचार गराएर फर्केपछि गत १२ माघमा पुनलाई भेट्न शर्माले उनको निवासमै पुगेका थिए । त्यसपछि भने उनीहरुबीच भेटवार्ता भएको थिएन ।
प्रकाशित मिति: १८ बैशाख २०७९, आइतबार
प्रतिक्रिया