काठमाडौँ । डडेल्धुराको परशुराम नगरपालिकाका प्रमुख प्रशासकीय अधिकृतमाथि कुटपिट भएको छ । नगरपालिकाको कार्यपालिका बैठकमै प्रमुख प्रशासकीय अधिकृतमाथि कुटपिट भएको प्रमुख जिल्ला अधिकारी अञ्जन न्यौपानेले जानकारी दिए ।
कुटपिटबाट प्रमुख प्रशासकीय अधिकृत कृष्णदेव जोशी घाइते भएको प्रजिअ न्यौपानेले बताए । उनको टाउकोमा चोट लागेको छ। अहिले अधिकृत जोशीको जोगबुढा अस्पतालमा उपचार भइरहेको छ।
बैठकमा आक्रोशित भएका सदस्यहरूले हलमा भएका कुर्सी तोडफोड गर्दै अधिकृतमाथि हातपात गरेको बताइएको छ ।
प्रकाशित मिति: १ चैत्र २०८०, बिहिबार
प्रतिक्रिया