काठमाडौं । सर्वोच्च अदालतले स्टिङ अपरेसनसम्बन्धी प्रकाशित समाचार २४ घण्टाभित्र हटाउन ‘सिधाकुरा’लाई आदेश दिएको छ ।
स्टिङ अपरेशनसम्बन्धी मुद्दा हराउन सर्वोच्च अदालतका न्यायाधीशसमेतको मिलेमतो रहेको दाबीसहित समाचार सिधा कुरा डटकमले प्रकाशन गरेको थियो ।
न्यायाधीशद्वय डा. नहकुल सुवेदी र टेकप्रसाद ढुंगानाको इजलासले उक्त समाचार र युट्युबमा राखेको भिडियो २४ घण्टाभित्र हटाउन आदेश दिएको हो । यससँगै सिधाकुराले भिडियो समाचार हटाएको छ। समाचार हटाउन प्रेस काउन्सिल नेपालले दिएको निर्देशन भने अस्विकार गरेको थियो।
सर्वोच्चले यस विषयसँग सम्बन्धित अन्य कार्यक्रम यो निवेदनको अन्तिम निर्णय नभएसम्म उत्पादन, प्रशारण, पुनः प्रशारण लगायत सार्वजनिक गर्ने कुनै कार्य नगर्न नगराउन पनि आदेश दिएको छ ।
सर्वोच्च उक्त समाचारसँग सम्बन्धित श्रव्यदृश्य सामग्रीको प्राविधिक जाँच गराउन प्रहरीलाई आदेश समेत दिएको छ ।
प्रकाशित मिति: १७ बैशाख २०८१, सोमबार
प्रतिक्रिया