धादिङमा घर जल्दा श्रीमान-श्रीमतीको मृत्यु

काठमाडौं । धादिङको थाक्रे गाउँपालिका-५, गैरीखर्कमा आगलागीमा परी एक दम्पतीको मृत्यु भएको छ ।

बुधबार राति आगोमा जलेर घरभित्रै रहेका ७० वर्षीय तेजबहादुर लामा र उनकी श्रीमती ठूली तामाङको घटनास्थलमै मृत्यु भएको हो।

गएराति साढे ११ बजे प्रहरीले आगलागीको खबर पाएको थियो।नजिकको हाप्सेचौर अस्थायी प्रहरी पोष्टबाट प्रहरी टोली पुग्दा घर पूरै जलिरहेको थियो ।

प्रकाशित मिति: २० बैशाख २०८१, बिहिबार