ट्याक्टर दुर्घटनामा मृत्यु हुनेको संख्या ३ पुग्यो

दैलेख । दैलेखको दुल्लु नगरपालिका–६ धाडाको जंगलमा भे.१ त. ८९६ नम्बरको ट्याक्टर दुर्घटनामा परेर मृत्यु हुनेको संख्या तीन पुगेको छ ।

आइतबार विद्युतको पोल बोकेर दुल्लुको भस्नेपाटीदेखि खड्केगैरा जाँदै गरेको ट्याक्टर दुर्घटनामा परी दुल्लु नगरपालिका–६ का ५५ वर्षीय मानबहादुर रावलको घटनास्थलमै मृत्यु भएको थियो ।

अन्य दुई जना दुल्लु नगरपालिका–६ खच्चेगैराका ५६ वर्षीय कमारो रावल र चालक कमल शाहीको उपचारका क्रममा सुर्खेतको कालागाउँ अस्पतालमा आइतबार राती मृत्यु भएको जिल्ला प्रहरी कार्यालय दैलेखले जानकारी दिएको छ। अन्य तीन जना घाइतेको पनि उपचार भइरहेको प्रहरीले जनाएको छ ।

प्रकाशित मिति: ३१ बैशाख २०८१, सोमबार