काठमाडौँ । सत्तापक्ष र प्रमुख प्रतिपक्षी दलबीच सहकारी प्रकरणमा संसदीय छानबिन समिति बनाउने सहमति भएको छ। शनिबार साँझ प्रधानमन्त्री निवास बालुवाटारमा बसेको शीर्ष नेताहरुले बैठकले यस्तो सहमति गरेको हो।
उक्त समितिको कार्यादेश के हुने भन्ने विषयमा भने कानुन मन्त्री पदम गिरीको संयोजकत्वमा कार्यदल गठन गर्ने निर्णय भएको छ।
कार्यदलमा एमालेका महेश बर्तौला, कांग्रेसका जीवन परियार र रास्वपाका शिशिर खनाल रहने बताइएको छ। उक्त कार्यदलले आइतबार कार्यादेशको बारेमा टुंगो लगाउनेछ।
प्रकाशित मिति: ५ जेष्ठ २०८१, शनिबार
प्रतिक्रिया