दाङ । नेकपा एमालेले तुलसीपुर उपमहानगरपालिका वडा नं १७ का वडाध्यक्षमा उम्मेदवारी दिएका लबरू चौधरीको मृत्यु भएपछि उनका कान्छा छोरा प्रदीप चौधरीलाई नै उम्मेदवार बनाएको छ ।
बाबू को मृत्यु भए पछि छोरा नै स्थानीय तह निर्वाचनका लागि वडाध्यक्षमा उम्मेदवार बनाइएको नेकपा एमालेका जिल्ला अध्यक्ष हुकुम बस्नेतले बताए ।
वडाध्यक्षका उम्मेदवार लवरु चौधरी चुनाव प्रचारको क्रममा एक्कासी बिरामी परेपछि उपचारका लागि काठमाडौंको शिक्षण अस्पतालमा लगिएको थियो । उपचार कै क्रममा उनको मंगलबार राति मृत्यु भएको थियो ।
उम्मेदवारको मृत्युपछि निर्वाचन आयोगले उक्त वडामा जेठ ३ गते निर्वाचनको मिति तय गरेको छ भने बुधबार र बिहीबार उम्मेदवारी दर्ताको समय तोकिएको छ ।
तुलसीपुर उपमहानगरपालिकाको निर्वाचन अधिकृतको कार्यालयमा पुगेर प्रदीपले बुधबार नै उम्मेदवार दर्ता गराएका छन् ।
यसअघिको कार्यकालमा तुलसीपुर-१७ को वडा सदस्य भएर समेत काम गरिसकेका ५३ बर्षीय चौधरी मिर्गौला र कलेजोको विरामी थिए ।
प्रकाशित मिति: २८ बैशाख २०७९, बुधबार
प्रतिक्रिया