साप्ताहिक राशिफल | आज पौष १३ गते शनिबारदेखि १९ गते शुक्रबारसम्मको ‘साप्ताहिक राशिफल’

मेष (चु, चे, चो, ला, लि, लु, ले, लो, अ) 

साताको प्रारम्भमा जीविकोपार्जनका लागि गरिएका प्रयासले अपेक्षित सफलता मिल्नेछन् । यो साता आर्थिक स्थितिमा सुधार आउने देखिन्छ । व्यापार व्यवसायमा संलग्न व्यक्तिले पहिले गरेको लगानीबाट सोचेअनुसार लाभ उठाउन सकिनेछ । बजारमा पुँजी अड्किएका व्यक्तिहरूले यो साता मिहिनेत गरेमा अप्रत्याशित रूपमा धनआर्जनका योग रहेको छ । जग्गा र भवनसम्बन्धी विवाद साताको अन्त्यतिर पर्न सक्ने हुँदा विशेष सावधानी अपनाउनु पर्नेछ ।

वृष (इ, उ, ए, ओ, बा, बि, बु, बे, बो) 

यस साता वृष राशिका व्यक्तिहरूलाई भाग्यको साथ मिल्नेछ । कडा परिश्रमबाट धेरै सफलता मिल्ने योग रहेको छ । सोमबार र मंगलबार व्यावसायिक लगानीमा साथीभाइ र सहकर्मीबाट पनि सहयोग मिल्नेछ । कपडा र मेकअप सामानको व्यापार गर्ने व्यक्तिहरू आफ्नो कमाइबाट खुसी हुनेछन् । राजनीतिक तथा सामाजिक कार्यमा संलग्न व्यक्तिले समाजमा मानप्रतिष्ठा प्राप्त गर्नेछन् ।

मिथुन (का, कि, कु, घ, ङ, छ, के, को, ह) 

मिथुन राशिका व्यक्तिका लागि साताको प्रारम्भमा भाग्यले पूर्ण रूपमा साथ दिनेछ र तपाईंका सबै योजना सजिलै पूरा हुनेछन् । कुनै बैंकबाट ऋण लिने सोचमा हुनुहुन्छ भने फाइदा हुनेछ । पुराना साथीभाइबाट सहयोग मिल्नेछ र असल साथीहरू पनि बढ्नेछन् । साताको अन्त्यमा श्रीमतीको तर्फबाट सबै प्रकारको सहयोग प्राप्त हुनेछ र योजना सफल हुनेछन् ।

कर्कट (हि, हु, हे, हो, डा, डि, डु, डे, डो) 

कर्कट राशि हुनेहरूका लागि साताको प्रारम्भमा धन र सम्मानमा वृद्धि हुने योग रहेको छ । रोकिएका काम सजिलै पूरा हुनेछन् र भाग्यले पूर्ण रूपमा साथ दिनेछ । मातृपक्षबाट माया र सहयोग प्राप्त हुने योग रहेकाले आमाको सल्लाहअनुसार अगाडि बढेमा कार्य सिद्धि हुनेछ । बिहीबार र शुक्रबार विलासितामा पैसा खर्च हुने हुँदा विशेष साबधानी अपनाउनु पर्नेछ । कुनै पनि शुभ कार्य गर्नुअघि देवीको पूजा तथा आराधना गरेमा भाग्यको पूर्णसाथ रहने साता रहेको छ ।

सिंह (मा, मि, मु, मे, मो, टा, टि, टु, टे) 

सिंह राशि हुनेहरूका लागि साताको पूर्वार्द्ध विशेष लाभदायक र नयाँ परियोजनाबाट सफलता मिल्नेछ । स्थान परिवर्तनसँग सम्बन्धित कुनै पनि काम सफल हुनेछ । साताको उत्तराद्र्धमा केही जटिलता देखिए तापनि तपाईंको हिम्मत बढ्नेछ । परिवारमा मांगलिक कार्य हुनाले मन प्रसन्न रहनेछ । कार्यालयमा तपाईंका लागि अनुकूल वातावरण बन्नेछ । तपाईंका सहकर्मीहरूले पनि तपाईंलाई साताभर पूर्ण रूपमा सहयोग गर्नेछन् । कार्य सफलताको साता रहनेछ ।

 कन्या (टो, प, पि, पु, ष, ण, ठ, पे, पो) 

कन्या राशिका व्यक्तिहरूका लागि आर्थिक हिसाबले साता बलियो नै रहेनछ । वैदेशिक यात्राका लागि गर्न खोजिएका कार्य सजिलै सम्पन्न हुनेछन् । अनावश्यक खर्च हुने सम्भावना रहेकाले साताको उत्तराद्र्धमा विशेष सावधानी अपनाउनु पर्नेछ । व्यापार–व्यवसायमा आर्थिक लाभको योग रहेकाले लगानी गर्दा शुभ रहनेछ । लामो यात्राको योग रहेकाले यात्रामा निस्किँदा विशेष लाभ मिल्ने सात रहेको छ ।

तुला (र, रि, रु, रे, रो, ता, ति, तु, ते) 

तुला राशिमा जन्मिएका व्यक्तिहरूका लागि साताको सुरुवाती दिन आर्थिक मामिलामा विशेष धन लाभ हुनुका साथै गर्न खोजेका कार्य सजिलै सम्पन्न हुनेछन् । कुनै पनि निर्णय लिँदा भाग्यको पूर्ण साथ रहनेछ । मंगलबार र बुधबार सहयोगी भावना रहने हुँदा उपचारमा अनावश्यक धन खर्च हुने सम्भावना रहेकाले विशेष सावधानी अपनाउनु पर्नेछ । साताको अन्त्यमा घरमा छिमेकीहरूको सहयोगमा मांगलिक कार्यमा मन रमाउनेछ ।

वृश्चिक (तो, ना, नि, नु, ने, नो, या, यि, यु) 

वृश्चिक राशिका व्यक्तिहरूका लागि शनि अढैया दशाका कारणले साताको प्रारम्भमा मन विचलित रहनुका साथै आफैँ अन्योलमा परिनेछ । व्यापार वृद्धिका लागि गरिएका प्रयास असफल हुनेछन् । बिहीबार र शुक्रबार अरूको कारणले केही समस्याको सामना गर्नुपर्नेछ । साताको अन्त्यमा शत्रुपक्षलाई जित्न सफल हुनुका साथै कानुनी विवादमा सफलता मिल्नेछ । यदि कुनै मुद्दा विचाराधीन छ भने जित्नुहुनेछ ।

धनु (ये, यो, भ, भि, भु, ध, फा, ढ, भे) 

धनु राशि हुनेहरूका लागि यस साता आर्थिक हिसाबले लाभदायक रहनेछ । रोकिएका आयोजनाबाट लाभ मिल्नेछन् । तपाईंभित्र परोपकार र सहयोगी भावनाको विकास हुनेछ । धार्मिक कार्य रुचिका साथ सम्पन्न हुनेछन् । साताको अन्त्यमा भाग्यको पनि पूर्ण सहयोग मिल्नेछ । वैदेशिक यात्रामा भने केही बाधा उत्पन्न हुनसक्ने हुदा सत्यनारायणको दर्शन तथा पुजा गरेमा लाभ मिल्ने छ ।

मकर (भो, ज, जि, खि, खु, खे, खो, गा, गि) 

सुरुमा लाभांश बढे पनि प्राप्त रकम तत्काल खर्च गर्नुपर्ने स्थिति आउनेछ। केही अप्ठ्यारा परिस्थितिसँग सम्झौता गर्नुपर्दा मन खिन्न रहनेछ । फजुल खर्चका बिच कामको बोझ पनि बढ्न सक्छ । बुधबारदेखि कीर्तिमानी काम सुरु हुन सक्छ । प्रतिष्ठित काम गर्ने मौका प्राप्त हुनेछ । नातेदार र कुटुम्बले काममा सहयोग गर्नेछन् । साथीहरूसित मनोरञ्जनको अवसर जुर्नेछ ।

कुम्भ (गु, गे, गो, सा, सि, सु, से, सो, द) 

प्रतिष्ठित काम गरेर अवसर हात पार्ने साता रहेको छ । आयआर्जन बढ्नुका साथै दिगो फाइदा हुने काम प्रारम्भ गर्न सकिनेछ । मिहिनेत गर्दा राम्रै अवसर पाइनेछ । तर, आम्दानीका साथै कामको दायित्व पनि बढ्न सक्छ । बुधबारदेखि खर्चको मात्रा बढ्नेछ । बिचमा काम रोकिए पनि दोहो¥याएर प्रयत्न गर्दा फाइदा हुन सक्छ । सप्ताहान्तमा आस मारेको काम बन्नेछ ।

मीन (दि, दु, थ, झ, ञ, दे, दो, च, चि) 

विशेष जिम्मेवारी अथवा नोकरी प्राप्तिको योग रहेको छ । विशिष्ट व्यक्तित्वसँग मित्रता बढ्नेछ । परिश्रमअनुसार राम्रै फल पाइने साता रहेको छ । खर्च भए पनि दिगो फाइदा हुने काम प्रारम्भ गर्ने अवसर छ । लगनशीलताले प्रसिद्धि पनि बढ्नेछ । मिहिनेतले दाम र इनाम दिलाउने योग रहेकाले साप्ताहिक रूपमा दिन सफल रहनेछन् ।