काठमाडौं । पीडितलाई न्याय दिलाउने जिम्मेवारी लिएको वकिलले अदालतभित्रै हराएको ३३ लाख रुपैयाँबराबरको हिराको हार आफ्नो खल्तीमा राखेका छन् । यो घटना काठमाडौं जिल्ला अदालत भित्रको हो ।
बिहीबार दिउँसो अदालतमा जमुना घलेको हिराको हार हराएपछि शुक्रबार प्रहरीले सिसिक्यामेराको सहयोगमा उक्त हारको खोजी गरेको थियो।
प्रहरी स्रोतका अनुसार, सिसिक्यामेरामा एक कानुन व्यवसायीले हारलाई टिपेर खल्तीमा राखेको देखियो । बार एसोसियशनको सहयोगमा प्रहरीले उक्त कानुन व्यवसायीको पहिचान गरेको थियो।
अन्ततः ती कानुन व्यवसायीले हराएको हारलाई धनीलाई फिर्ता गरेका छन् ।
प्रकाशित मिति: ११ कार्तिक २०८१, आइतबार
प्रतिक्रिया