नारायणगढ–मुग्लिन सडक खण्डको चितवन स्थित इच्छाकामना गाउँपालिका–५, तीन नम्बर पुल मा दुई ट्रक एकआपसमा ठोकिँदा एक व्यक्ति घाइते भएका छन् ।विहान करिब ६ बजेको समयमा दुई ट्रक एक आपसमा ठोकिएका थिए ।
मुग्लिनबाट नारायणगढ तर्फ आउँदै गरेको ना ६ ख ७८०४ नम्बरको डिब्बा ट्रक र बिपरित दिशाबाट आईरहेको लु २ ख ५६५४ नम्बरको ट्रक एक आपसमा ठोकिएका थिए । दुर्घटनामा ना ६ ख ७८०४ नम्बरको डिब्बा ट्रकका चालक रहेका झापाको बुद्धशान्ती ३ बस्ने ४० बर्षिय मनोज धिमाल घाइते भएका छन् ।
उनको खुट्टामा चोट लागेको र हाल उनको भरतपुरस्थित पुरानो मेडिकल कलेजमा उपचार भइरहेको बताइएको छ ।
लु २ ख ५६५४ नम्बरको ट्रक चालकलाई प्रहरीले नियन्त्रणमा लिइ दुर्घटना को थप कारण बारे अनुसन्धान गरिरहेको बताईएको छ ।
प्रकाशित मिति: १४ जेष्ठ २०७९, शनिबार
प्रतिक्रिया