रासस । अमेरिकाका नवनिर्वाचित राष्ट्रपति डोनाल्ड ट्रम्पले पदभार ग्रहण गरेपछि चीन भ्रमण गर्न इच्छुक रहेको आफ्ना सल्लाहकारहरूलाई बताएका छन्।
ट्रम्पले आफ्नो कार्यकालको पहिलो १०० दिनमा चीन भ्रमण गर्ने इच्छा व्यक्त गरेका छन्, तर यस विषयमा अहिलेसम्म कुनै निर्णय नभएको स्रोतलाई उद्धृत गर्दै द वाल स्ट्रिट जर्नलको समाचारमा उल्लेख छ।
ट्रम्पले सोमबार दोस्रो कार्यकालका लागि शपथ लिनेछन्। उनले पहिलो चारवर्षे कार्यकालको एक वर्ष नपुग्दै सन् २०१७ मा बेइजिङको भ्रमण गरेका थिए।
चिनियाँ विदेश मन्त्रालयका प्रवक्ताले अमेरिकी पक्षको निमन्त्रणामा चिनियाँ राष्ट्रपति सी जिनपिङका विशेष प्रतिनिधि उपराष्ट्रपति हान झेङ जनवरी २० मा वासिङ्टन डिसीमा हुने ट्रम्पको शपथ समारोहमा सहभागी हुने घोषणा गरेका छन्। शुक्रबार सीले ट्रम्पसँग फोनवार्तासमेत गरेका थिए।
प्रकाशित मिति: ६ माघ २०८१, आइतबार
प्रतिक्रिया