काठमाडौं – भारतको राजधानी नयाँ दिल्लीस्थित रेलवे स्टेशनमा आइतबार बिहान भएको भागदौडमा कम्तीमा १५ जनाको मृत्यु भएको छ । घटनामा दर्जनौं घाइते भएका छन् ।
लोकनायक अस्पताल (एलएनजेपी) की प्रमुख चिकित्सा अधीक्षक डा. रितु सक्सेनाका अनुसार घटनाका क्रममा १५ जनाले ज्यान गुमाएका छन् । बीबीसीका अनुसार मृतकको संख्या अझै बढ्न सक्ने अनुमान गरिएको छ ।
भारतीय प्रधानमन्त्री नरेन्द्र मोदीले घटनाप्रति गहिरो दुःख व्यक्त गर्दै दिवंगत आत्माप्रति श्रद्धाञ्जली अर्पण गरेका छन् । साथै, शोकसन्तप्त परिवारप्रति समवेदना प्रकट गर्दै घाइतेहरूको शीघ्र स्वास्थ्यलाभको कामना गरेका छन्।
यसैबीच, भारतीय रक्षा मन्त्री राजनाथ सिंहले पनि मृतकहरूप्रति श्रद्धाञ्जली अर्पण गर्दै परिवारजनलाई धैर्य धारण गर्न अपिल गरेका छन्।
घटनाको विस्तृत विवरण आउन बाँकी छ ।
प्रकाशित मिति: ४ फाल्गुन २०८१, आइतबार
प्रतिक्रिया