काठमाडौं । काठमाडौं महानगरपालिकाले गुनासो व्यवस्थापन तथा सोधपुछ केन्द्र (कल सेन्टर) सञ्चालनमा ल्याएको छ ।
महानगरको १६ जेठमा बसेको पहिलो कार्यपालिका बैठकले ७ दिनभित्र कल सेन्टर सञ्चालन गर्ने निर्णय गरेको थियो। सोही निर्णय अनुसार सोमबारदेखि राष्ट्रिय सभागृहमा कल सेन्टर सञ्चालनमा ल्याइएको महानगरले जनाएको छ।
काठमाडौंबासीको गुनासो सुन्न तथा सोधपुछका लागि १६६००१, ०५५११ टोल फ्रि नम्बरमा खुल्ला गरेको हो। महानगरका प्रमुख बालेन्द्र शाह ले भने – ‘महानगर के गर्दैछ जनताले सोध्न पाउनु पर्छ। सेन्टरको क्षमता एकैपटक १५ वटा टेलिफोन रिसिभ गर्न सकिने खालको छ। अहिले ५ वटाबाट थालेका छौँ ।’
प्रकाशित मिति: २३ जेष्ठ २०७९, सोमबार
प्रतिक्रिया