काठमाडौं – भक्तपुरस्थित सानोठिमी क्याम्पसका नवनिर्वाचित स्वतन्त्र विद्यार्थी युनियन (स्ववियु) अध्यक्ष नरेन्द्रसिंह ठगुन्नामाथि शनिबार राति आक्रमण भएको छ।
माओवादी केन्द्रका नेता तथा अखिल (क्रान्तिकारी) का पूर्वअध्यक्ष रमेश मल्लले सामाजिक सञ्जाल फेसबुकमार्फत उक्त जानकारी सार्वजनिक गरेका हुन्। उनले ठगुन्नाको घाइते अवस्थामा रहेको तस्वीरसमेत सेयर गरेका छन्।
आक्रमणका क्रममा ठगुन्नाको चिउडो र आँखा नजिकै गम्भीर चोट लागेको छ। यद्यपि, आक्रमणको कारण र आक्रमणकारीको पहिचान हालसम्म खुलेको छैन।
यसैबीच, जिल्ला प्रहरी परिसर भक्तपुरले भने घटनाबारे हालसम्म कुनै औपचारिक जानकारी प्राप्त नभएको जनाएको छ। परिसरका प्रहरी प्रमुख (एसपी) माधव बुढाथोकीले घटनासम्बन्धी उजुरी वा सूचना प्रहरीसमक्ष नआएको बताए ।
प्रकाशित मिति: २३ चैत्र २०८१, आइतबार
प्रतिक्रिया