ललितपुर । ललितपुर महानगरले आजदेखि पानीपुरी र चटपट विक्री वितरण गर्न रोक लगाउने भएको छ। पानीपुरीमा प्रयोग गरिएको पानीमा हैजाको जिवाणु भेटिएको भन्दै महानगरपालिकाले पानीपुरी बेच्न प्रतिबन्ध लगाएको छ।
पानीपुरी नबेच्न आग्रह गर्दै नगर प्रहरीले माइकिङ गरेर जानकारी दिइरहेको छ। महानगरभित्रका सडक र गल्लीमा माइकिङ गर्दै पानीपुरी नबेच्न भनेका छौं’, नगर प्रहरी प्रमुख सीताराम हाथेछुले भने, ‘कसैले पानीपुरी र चटपटे बिक्री वितरण गरेको पाइएमा कारबाही हुन्छ।’
पानीपुरीमा प्रयोग गरिने पानी दूषित र हैजाका जीवाणु मिसिएको हुन सक्ने आशंकामा बिक्री वितरणमा रोक लगाउनुपरेको उनले बताए।
यस्तै रेष्टुरेन्ट र होटलमा राखिएको पानीपुरी पनि बेच्न नपाइने बताए। ‘पानी शुद्ध प्रयोग गरेको छ कि छैन भनेर हेरेपछि मात्रै विक्री वितरण गर्न दिइन्छ,’ उनले भने।
प्रकाशित मिति: १२ असार २०७९, आइतबार
प्रतिक्रिया