काठमाडौं । अभिनेता दीपकराज गिरीले अभिनय सुरू गरेको ३० वर्षपछि अभिनयतर्फको राष्ट्रिय अवार्ड पाएका छन् । राष्ट्रिय चलचित्र पुरस्कारमा उनले उत्कृष्ट अभिनेताको अवार्ड हात पारेका हुन् ।
“अभिनय सुरू गरेको ३० वर्षपछि पहिलो पल्ट अभिनेताको रूपमा राष्ट्रिय अवार्ड पाएको छु । यसलाइ मैले उत्कृष्ट अभिनेताको अवार्डभन्दा पनि एउटा विद्यार्थीले पाएको प्रोत्साहन पुरस्कारको रूपमा लिएको छु,” उनले भने, “यसबाट भविष्यमा अझै मिहिनेत गर्ने उर्जा मिलेको छ ।”
दीपकले चलचित्र ‘छ माया छपक्कै’बाट राष्ट्रिय चलचित्र अवार्ड हात पारेका हुन् ।
२०७६/०७७ को राष्ट्रिय चलचित्र पुरस्कार राष्ट्रपतिको कार्यालय सितल निवासमा आज राष्ट्रपति विद्यादेवी भण्डारीले वितरण गरेकी हुन् ।
प्रकाशित मिति: ५ बैशाख २०७९, सोमबार
प्रतिक्रिया