काठमाडौँ । हिपहप रियालिटी सो ‘नेपहपको श्रीपेच’को विषयमा विवाद भएपछि काठमाडौं महानगरपालिकाका मेयर बालेन्द्र शाह र उपाधि विजेता भाइबर साइमनले धर्मगुरुलाई श्रीपेच बुझाएका छन् ।
नेपालमा पहिलो पटक आयोजित ‘नेपहपको श्रीपेच’ को उपाधि भाइबर साइमनले जितेका थिए । मेयर शाहले निर्णायक मण्डलका एक सदस्य थिए । बज्राचार्य समन्वय परिषदले विजेतालाई दीक्षित बज्राचार्य गुरुजुहरुले मात्रै लगाउने पञ्च बुद्ध ‘मुख:’लाई र्याप प्रतियोगतामा उपाधिका रुपमा प्रदान गरेको भन्दै आपत्ति जनाएको थियो ।
प्रतियोगिताका बिजेता साइमनलाई उपाधिमा ‘पञ्च बुद्ध मुख:’ लाई श्रीपेचको रुपमा प्रदान गरिएको थियो ।
प्रकाशित मिति: २१ असार २०७९, मंगलबार
प्रतिक्रिया