काठमाडौं । काठमाडौं महानगरले इन्धन खर्च नपुगेको भन्दै ३ करोड ५० लाख बजेट थप गरेको छ। नगर कार्यपालिकाको आजको बैठकमा ‘बजेट थपको प्रस्ताव’पास भएको हो।
कार्यपालिका बैठकबाट पास भएपछि अब यसलाई नगरसभाबाट पारित गरिनेछ। चालु आर्थिक वर्ष ०७८/०७९ मा इन्धनका लागि विनियोजित बजेट गत चैतमा नै सकिएको थियो। त्यसपछि महानगरले तीन महिनाका लागि ३ करोड ५० लाख रकम थप्ने प्रस्ताव अघि बढाएको थियो।
मेयर बालेन्द्र शाहले उक्त प्रस्ताव पढेर सुनाउँदै पास गर्नका लागि कार्यपालिका बैठकमा प्रस्तुत गरेका हुन्।
उक्त बजेट आन्तरिक भ्रमणतर्फ खर्च नभएको बजेटबाट रकमान्तर गरेर मिलाइने जनाइएको छ।
प्रकाशित मिति: २१ असार २०७९, मंगलबार
प्रतिक्रिया