काठमाडौँ । नेपाल राष्ट्र बैंकका गभर्नर महाप्रसाद अधिकारीले मूल्यवृद्धि नियन्त्रण गर्न पनि ब्याजदर बढाउनुपर्ने बताएका छन् ।
प्रतिनिधि सभा संघीय संसद अन्तरगतको अर्थ समितिले आयोजना गरेको आगामी मौद्रिक नीति सम्बन्धि छलफलमा उनले मूल्यवृद्धि नियन्त्रण गर्न ब्याजदर बढाउनुपर्ने बताएका हुन् ।
चालु आर्थिक वर्षमा केन्द्रीय बैंकले साढे ६ प्रतिशत मुद्रास्फीति राख्ने लक्ष्य लिएकोमा अब नियन्त्रण लक्ष्यभन्दा बाहिर गएकोले ब्याज बढाउनुपर्ने आवश्यकता रहेको उनको भनाई थियो ।
तरलता व्यवस्थापन गर्न तीन खर्बभन्दा बढी अहिले पनि राष्ट्र बैंकले बजारमा पैसा पठाएको बताउँदै उनले कोभिडको बीचमा दिएका सुविधाहरु अव नदिनेगरी मौद्रिक नीति आउने गभर्नर अधिकारीको भनाई छ । नेपाली मुद्रा ७ प्रतिशतको अवमूल्यन भएको बताउँदै उनले अहिलेको स्थितिलाई मध्यनजर गरेर मौद्रिक नीति आउने उनको भनाई थियो ।
प्रकाशित मिति: २७ असार २०७९, सोमबार
प्रतिक्रिया