काठमाडौं । राप्रपा नेपालले चुनाव चिन्ह ‘गाई’ माग्दै सर्वोच्च अदालतमा बिहिबार मुद्दा दायर गरेको छ। भोलिको पेशीमा बहस गर्न स्वंम अध्यक्ष थापा सर्वोच्च अदालत जाने भएका छन्।
‘संविधान र कानुनले ‘गाई’ चिन्ह निषेध गरेको छैन। विगतमा राप्रपा नेपालले ‘गाई’ चिन्ह लिएर जनतामा गएको सर्वविदितै छ। राप्रपा नेपाललाई ‘गाई’ नदिने निर्वाचन आयोगको निर्णय कानुन विपरीत र स्वेच्छाचारी छ’,अध्यक्ष कमल थापाले सामाजिक सञ्जालमार्फत भनेका छन्, ‘यस सम्बन्धि मुद्दाको भोलि पेशी छ। म आफैं वहस गर्न जानेछु। सर्वोच्च अदालतबाट न्याय पाउने विश्वास छ।’
आज दर्ता भएको रिट निवेदनमाथि सुनवाइ हुने भएको छ। मुद्दाको पेशी भोलि तोकिएको राप्रपा नेपालले जनाएको छ।
प्रकाशित मिति: ३० असार २०७९, बिहिबार
प्रतिक्रिया