ब्रड पिकमा ज्यान गुमाएका थप तीन आरोहीको शव नेपाल ल्याइयो
काठमाडौं। पाकिस्तानको ब्रड पिक आरोहणका क्रममा हिमपहिरोमा परी मृत्यु भएका थप तीन नेपाली आरोहीको शव मंगलबार नेपाल ल्याइएको छ। किली पेम्बा शेर्पा ‘किलु’, ग्यालु शेर्पा र निमा शेर्पाको शव कतार एयरवेजमार्फत नेपाल ल्याइएको हो। उनीहरूको शव अन्तिम श्रद्धाञ्जलीका लागि नक्सालस्थित नेपाल पर्वतारोहण संघको कार्यालयमा राखिनेछ।
