काठमाडौं । हालका दिनमा देशमा पश्चिमी र स्थानीय वायुको प्रभाव देखिन थालेको छ, जसका कारण मौसममा केही परिवर्तन आएको छ। साथै, बंगालको खाडीबाट आएको जलवाष्पयुक्त हावाले पनि आंशिक असर पारेको छ।
देशका पहाडी भू-भागमा आंशिक बदलीदेखि साधारणतया बदलीको अवस्था रहेको छ भने, अन्य भू-भागमा मौसम मुख्यतया सफा देखि आंशिक बदली रहेको छ। गण्डकी र लुम्बिनी प्रदेशका केही स्थानहरूमा मेघगर्जन र चट्याङसहित हल्का वर्षा भइरहेको छ।
आज दिउँसो, लुम्बिनी र सुदुरपश्चिम प्रदेशसहित देशका पहाडी भू-भागमा आंशिकदेखि साधारणतया बदली रहनेछ भने, बाँकी भू-भागमा मौसम मुख्यतया सफा देखि आंशिक बदली रहने अपेक्षा गरिएको छ।
लुम्बिनी र सुदुरपश्चिम प्रदेशका पहाडी भू-भागका केही स्थानहरूमा र अन्य भू-भागका थोरै स्थानहरूमा मेघगर्जन र चट्याङसहित हल्का देखि मध्यम वर्षाको सम्भावना छ। देशका उच्च-पहाडी तथा हिमाली भू-भागका केही स्थानहरूमा हल्का वर्षा र हिमपातको सम्भावना रहेको छ।
आज राति, बागमती, गण्डकी र सुदुरपश्चिम प्रदेशसहित देशका पहाडी भू-भागमा आंशिकदेखि साधारणतया बदली रहनेछ, जबकि बाँकी भू-भागमा मौसम मुख्यतया सफा देखि आंशिक बदली रहनेछ।
बागमती र गण्डकी प्रदेशका पहाडी भू-भागका केही स्थानहरू र अन्य भू-भागका थोरै स्थानहरूमा मेघगर्जन र चट्याङसहित हल्का देखि मध्यम वर्षाको सम्भावना छ। देशका उच्च-पहाडी तथा हिमाली भू-भागमा पनि हल्का वर्षा र हिमपातको सम्भावना रहेको छ।
प्रकाशित मिति: १४ जेष्ठ २०८२, बुधबार
प्रतिक्रिया