काठमाडौं । पतञ्जली समूहको जग्गा हिनामिना प्रकरणमा नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालमाथि दर्ता गरिएको भ्रष्टाचार मुद्दालाई विपक्षी गठबन्धनले ‘राजनीतिक प्रतिशोध’ को रुपमा व्याख्या गरेको छ।
शुक्रबार संसद भवन नयाँ बानेश्वरस्थित माओवादी केन्द्रका अध्यक्ष पुष्पकमल दाहाल ‘प्रचण्ड’को कार्यकक्षमा बसेको विपक्षी दलहरूको बैठकले अख्तियार दुरुपयोग अनुसन्धान आयोगको पछिल्लो कदमप्रति गम्भीर आपत्ति जनाउँदै उक्त निष्कर्ष निकालेको हो।
बैठकपछि सञ्चारकर्मीहरूसँग कुरा गर्दै प्रचण्डले, “नीतिगत निर्णयका आधारमा भ्रष्टाचार मुद्दा लगाइनु गम्भीर विषय हो। यसले राज्यको नीति निर्माण प्रक्रिया नै अपराध मान्ने प्रवृत्तिको संकेत गर्छ,” भन्दै आशंका व्यक्त गरे।
उनले प्रधानमन्त्री पुष्प दाहालको नाम नलिई संकेत गर्दै भने, “माधव नेपालविरुद्धको मुद्दा हेर्दा प्रतिशोधको गन्ध आउँछ।” उनले थपे, “नेपालजीले आफूमाथि विश्वास राख्दै कानुनी प्रक्रियामा जाने बताउनु भएको छ।”
विपक्षी गठबन्धनले भ्रष्टाचार मुद्दा राजनीतिक उद्देश्यपूर्ति गर्न प्रयोग नगर्न चेतावनी दिँदै निष्पक्ष र न्यायोचित प्रक्रियाको माग गरेको छ।
प्रकाशित मिति: २३ जेष्ठ २०८२, शुक्रबार
प्रतिक्रिया