काठमाडौं । राष्ट्रिय स्वतन्त्र पार्टी (रास्वपा)ले अन्तर्राष्ट्रिय युवा दिवसको अवसरमा साउन २७ गते ‘दि फ्युचर लिडर्स समिट’ आयोजना गर्ने भएको छ।
सांसद डा. तोसिमा कार्कीको नेतृत्वमा रहेको पार्टीको युवा तथा खेलकुद विभागले आइतबार केन्द्रीय कार्यालय वनस्थलीमा पत्रकार सम्मेलन गर्दै ललितपुरमा हुने कार्यक्रममा सातै प्रदेशका युवाको सहभागिता रहने जानकारी दिएको हो।
कार्यक्रममा युवाको सीप विकास, डिजिटल साक्षरता, मानसिक स्वास्थ्यलगायत विषयमा जनचेतना बढाइने र युवालाई राजनीतिमा सक्रिय बनाउन प्रेरित गरिने कार्कीले बताइन्।
प्रकाशित मिति: २५ श्रावण २०८२, आइतबार
प्रतिक्रिया