काठमाडौं । सरकारले रामेश्वर दंगाललाई नयाँ गृहसचिवको रूपमा जिम्मेवारी तोकेको छ।
जेन–जि आन्दोलन दमनमा संलग्न भएको आरोप लागेका पूर्वगृहसचिव गोकर्णमणि दुवाडीलाई हटाएर रक्षासचिव रहेका दंगाललाई गृहसचिव बनाइएको हो। दंगाल यसअघि गृह प्रशासनकै ‘क्याडर’मा रहेका थिए।
प्रधानमन्त्री तथा मन्त्रिपरिषद् कार्यालयका स्रोतका अनुसार, यो निर्णय मंगलबार वा बुधबारभित्र कार्यान्वयनमा आउनेछ।
गोकर्णमणि दुवाडी भिजिट भिसा प्रकरणमा नाम मुछिए पनि उन्मुक्ति पाइसकेका थिए र सरकार परिवर्तनपछि करिब डेढ सातासम्म गृहमन्त्रालयको जिम्मेवारी सम्हालेका थिए। तर जेन–जि आन्दोलन दमनसँग जोडिएका कारण उनको जिम्मेवारी हटाएर योजना आयोगको सचिवालयमा सरुवा गरिएको स्रोतले जनाएको छ।
प्रकाशित मिति: ७ आश्विन २०८२, मंगलबार
प्रतिक्रिया